ნოდარ დუმბაძე - მნათობებისკენ

nodar dumbadze mnatobebisken dumbadze nodar leqsebi leqsebis krebuli poezia
მთვარის ნაფეხურს ჩავყვები ხევში,
ანკარა წყალში ჩავხედავ ზეცას
და ღამე, მთვარით დაჭრილი მკერდში,
ლურჯ მხრებს ქედებზე შემოიკეცავს.
ცის კრიალოსანს წყალში დავითვლი
ყელზე მომახვევს სხივებს აისი
და ამ პატარა ხევში გაივლის
ჩემი ბავშვობის თბილი მაისი.
ქვეყნის ამბებით დავიყურსები
ვეღარ დამიტევს პატარა ხევი
და ისევ მთვარის ნაფეხურებით
მნათობებისკენ ავყვები ზევით.