ნოდარ დუმბაძე - ლელას და ნიშა ხარის გაბაასება (საბავშვო ლექსი)

nodar dumbadze lelas da nisha xaris gabaaseba dumbadze nodar sabavshvo leqsi leqsebi bavshvebistvis leqsebi patarebistvis
- როგორ ხარ, ხარო ნიშაო?
- ისე რა, არა მიშავო...
- შენ როგორა ხარ, ლელაო?
- რა ვი... ვარ ნელა-ნელაო,
დიდედამ მამინელაო:
არ მაიტეხო ფეხიო,
ჩამოხსენ საქანელაო,
გოგოვ, რად დაგახველაო,
მანდ გრილა, აქა ცხელაო,
ეგ თხა ვინ გამოწველაო,
ეგ ხე ვინ გადაბელაო...
- არ დაიდარდო, ლელაო
ეგრე არა ვართ ყველაო?!
- კარგად იყავი, ნიშაო,
ღმერთმა მზე არ გაგიშავოს,
მაგ გზებზე ფრთხილად იარე,
ეგ ქედი არ დაიშავო...