სიზმრები
irma malacidze - sizmrebi
როცა ღამდება,
და როცა მთვარე
ჩემს სასთუმალზე
ასვენებს გადაღლილ სხივებს,
მივიპარები ფეხაკრეფით
წარსულის სხვენში
და უჩუმრად ვაღებ
მოგონებების ძველისძელ ზანდუკს...
აქ, ჭიებით დახრულ
ძველისძველ ყუთში ინახება:
ჩემი მოცვლილი სარძევე კბილი...
ძველი კედლის რადიო -
კეთილი ზღაპრებით სავსე...
ყაყაჩოების დედოფლები,
რომელთაც უკვე დაჭმუჭვნიათ
წითელი კაბა...
აქ ინახება დედაჩემის ცისფერი მზერა,
მამაჩემის დარიგება,
ბებიაჩემის საჩეჩელი,
წინდის ჩხირები...
დამტვერილა ერთიანად ციდან მომწყდარ
კუდიან ვარსკვლავთა კონა...
აქ ვპოულობ პირველ კოცნას,
ძველ რვეულში გადამალულ
გაცრეცილ ფოტოს...
გულში ვიხუტებ...
როცა ღამდება,
მივიპარები ფეხაკრებით
საძინებლში დატანებული
საიდუმლო გასასვლელიდან...
მივიპარები წარსულში,
ჭრიალით ვაღებ ბავშვობის კარებს,
ვეჩურჩულები პლუშის დათუნებს,
ფეხდაკარგულ, დაღლილ თოჯინებს...
მოიწყინეს, მივატოვე რა ხანია...
როცა ღამდება,
და როცა მთვარე
ჩემს სასთუმალზე
ასვენებს გადაღლილ სხივებს,
მხოლოდ მაშინ იმეტებს აწმყო
ძუნწივით წუთებს...
irma malacidze - sizmrebi
როცა ღამდება,
და როცა მთვარე
ჩემს სასთუმალზე
ასვენებს გადაღლილ სხივებს,
მივიპარები ფეხაკრეფით
წარსულის სხვენში
და უჩუმრად ვაღებ
მოგონებების ძველისძელ ზანდუკს...
აქ, ჭიებით დახრულ
ძველისძველ ყუთში ინახება:
ჩემი მოცვლილი სარძევე კბილი...
ძველი კედლის რადიო -
კეთილი ზღაპრებით სავსე...
ყაყაჩოების დედოფლები,
რომელთაც უკვე დაჭმუჭვნიათ
წითელი კაბა...
აქ ინახება დედაჩემის ცისფერი მზერა,
მამაჩემის დარიგება,
ბებიაჩემის საჩეჩელი,
წინდის ჩხირები...
დამტვერილა ერთიანად ციდან მომწყდარ
კუდიან ვარსკვლავთა კონა...
აქ ვპოულობ პირველ კოცნას,
ძველ რვეულში გადამალულ
გაცრეცილ ფოტოს...
გულში ვიხუტებ...
როცა ღამდება,
მივიპარები ფეხაკრებით
საძინებლში დატანებული
საიდუმლო გასასვლელიდან...
მივიპარები წარსულში,
ჭრიალით ვაღებ ბავშვობის კარებს,
ვეჩურჩულები პლუშის დათუნებს,
ფეხდაკარგულ, დაღლილ თოჯინებს...
მოიწყინეს, მივატოვე რა ხანია...
როცა ღამდება,
და როცა მთვარე
ჩემს სასთუმალზე
ასვენებს გადაღლილ სხივებს,
მხოლოდ მაშინ იმეტებს აწმყო
ძუნწივით წუთებს...
