ჩიტიშვილი მანანა - Chitishvili Manana



კაი ყმის ხელით ვკვდებოდი

9kai ymis xelit vkvdebodi)

ლომისით ბინდი ჩამოდის,
ლეშზე ხარობენ აფთრები,
არ ჩამოჰყვები ბნელ ღამეს,
მალვით არ ჩამისაფრდები.

და როცა მუხრანის ველზე
მთვარე შავ ჩრდილებს დამაყრის,
გულდაგულ გადამიდგები
მოყმე პირბადრი, ამაყი.

ორნივ ლაღნი და უკადრნი
სახელით, ციხე-ქავითა,
ცა წითდა ჩემი ფრანგულით,
შენ დამასწარი წამითა.

მთვარე გორს უკან ჩავიდა,
მეც ვილეოდი, ვდნებოდი,
გულს მაინც მადგა ნათელი
კაის ყმის ხელით ვკვდებოდი.

და ბოლო ამოქშენამდი
სული გათენდა, ამზევდა,
ავიწიე და... გაკოცე
ჩემგან გაჩეხილ მხარზედა.



Loading...

ტექსტის სანახავად გაიარეთ რეგისტრაცია.