გიორგი დვალი - Giorgi Dvali

ზოგიერთს (zogierts)

მკვდარი სილამაზე ვის რად სჭირდება?
რატომ იტყუებს თავს ზოგიერთი?
მერე სვამთ კითხვებს,როცა გაჭირდება …
-ეს რა, არ იყო ის ერთადერთი?

მე გული მტკივა თუ მანდილოსანს
ღიმილით ჩუქნიან ხელოვნურ ყვავილს,
იცით ეს ყალბია და უსულგულო,
წააგავს სხეულის ბიწიერ წადილს.

როცა გრძნობაა და სიყვარული,
როცა ვნებაა ცად-ფრთაშესხმული,
ზურგსუკან იმალება მინდვრის თაიგული,
მთრთოლავ გულებთან შეხამებული.