ლეჟავა მანუჩარ - Lejava Manuchar

ისე უსაყვარლესო

(ise usayvarleso)

კარგო უსაყვარლესი
მინდა, შენთან ალერსი,
დაგიწერე, ა ლექსი,
გრძნობით უმხურვალესი.
გულის ყდაში ჩაკრული,
სევდა არის რა კრული,
ეხმატკბილოს ჩანგური,
ვინც ჩემებრ არს ჩაგრული.
სიყვარულით ნაწამებს,
ძირს რომ მიხრი წამწამებს,
ვეღარ ვუძლებ ამ წამებს,
როცა ასე მაწამებ.
ღაწვნი ხორბლის ველები,
დალალები გველები,
დაკიდული მტევნები,
ვეწამები ვევნები.
აივსება თასები
ასიათას ასები,
შენთვის ფიანდაზებად
გამიშლია ვაზები.
დამიშრება მელანი,
თუ ბედია ვერანი,
ასე ლამაზთვალებას
შემოგევლოს ყველანი.
ისე, უსაყვარლესო,
შენთან მინდა ალერსი,
დაგიწერე, ა ლექსი,
გრძნობით უმხურვალესი.