ელიავა ლია - Eliava Lia



ლია ელიავა დაიბადა თბილისში 1934 წლის 28 მაისს. ლია ძალიან პატარა იყო, მამა რომ დაუხვრიტეს. დედა გადაასახლეს და ბებია-ბაბუასთან იზრდებოდა. დედა გადასახლებიდან რომ ჩამოვიდა, ლია 17 წლის დახვდა.
1950 წელს დაამთავრა თბილისის მე–2 საშ. სკოლა. საშუალო სკოლის დამთავრების შემდეგ სწავლა განაგრძო მოსკოვის ა. ლუნაჩარსკის სახელობის სახელმწიფო თეატრალურ ინსტიტუტში, რომელიც დაამთავრა 1955 წელს. მოსკოვში სწავლისას დაქორწინდა ქართველ ჟურნალისტზე. პირველი ქორწინება ძალიან ცოტა ხანს – ერთ წელიწადს გაგრძელდა.
ინსტიტუტის დამთავრების შემდეგ კინოსტუდია „ქართული ფილმის“ მსახიობია. 1956 წლიდან იღებენ კინოში. მისი პირველი როლი იყო “ნინო” ფილმში “ჩრდილი გზაზე”. გადაღებულია ფილმებში: “ჩრდილი გზაზე”, “ბაში-აჩუკი”, “ქალის ტვირთი”, “მამლუქი”, “შეწყვეტილი სიმღერა”, “დათა თუთაშხია” და სხვა. ბევრ ფილმში მას პარტნიორობას უწევს მეუღლე — მსახიობი ოთარ კობერიძე. მისი შემოქმედებისათვის დამახასიათებელია გულწრფელობა, მაღალი პროფესიული ოსტატობა.
1960 წელს მიღებული აქვს საქართველოს დამსახურებული არტისტის, ხოლო 1976 წელს საქართველოს სახალხო არტისტის წოდება.
გარდაიცვალა მიკროინფარქტით 1998 წლის 8 ოქტომბერს. დასაფლავებულია დიდუბის საზოგადო მოღვაწეთა პანთეონში.



Loading...

ტექსტის სანახავად გაიარეთ რეგისტრაცია.