ღოღობერიძე ლანა - Gogoberidze Lana



ქართველი კინორეჟისორი და პოლიტიკოსი ლანა ღოღობერიძე დაიბადა 1928 წლის 13 ოქტომბერს თბილისში. 1950 წელს დაამთავრა თბილისის სახელმწიფო უნივერსიტეტის ფილოლოგიის ფაკულტეტი. ფილოლოგიურ მეცნიერებათა კანდიდატი (1954). 1957 წლიდან მუშაობს კინოსტუდია “ქართულ ფილმში”. 1959 წელს დაამთავრა საკავშირი სახელმწიფო კინემატოგრაფიის ინსტიტუტის კინოსარეჟისორო ფაკულტეტი ( სერგეი გერასიმოვასა და თამარა მაკაროვის სახელოსნო). 1975–1988 წლებში თბილისის თეატრალურ ინსტიტუტში ხელმძღვანელობდა კინოსარეჟისორო ფაკულტეტს. 1975 წლიდან რუსთაველის თეატრის რეჟისორთა სტუდიას ხელმძღვანელობდა, ხოლო 1988 წლიდან კი სტუდია ქართული ფილმის დირექტორი იყო. 1992 წელს საქართველოს პარლამენტის დეპუტატი გახდა. 1999– 2006 წლებში საქართველოს ელჩი ევროკავშირში. 2004 წელს საფრანგეთში საქართველოს ელჩად დაინიშნა. საქართველოს სახალხო არტისტი (1979).

მისმა მხატვრულმა და დოკუმენტურმა ფილმებმა რამდენიმე საერთაშორისო ჯილდო დაიმსახურა. სახელმწიფო პრემიის ლაურეატი (1980). სან–რემოს (1979), ტოკიოს (1987), ბერლინის (1993), და სხვა კინოფესტივალების პრემიების ლაურეატი.

ავტორია მონოგრაფიის “უოლტ უიტმენ” (1955), უოლტ უიტმენის, პ. თაგორის, პ. ბერლენას, ანა ახმატოვის, ბორის პასტერნაკის და სხვათა ლექსების მთარგმნელი.



Loading...

ტექსტის სანახავად გაიარეთ რეგისტრაცია.