ჭუმბურიძე ზურაბი - Chumburidze Zurab
ზურაბ გალაქტიონის ძე ჭუმბურიძე, ქართველი ფილოლოგი და კრიტიკოსი, დაიბადა 1926 წ. 6 ივლისს, თერჯოლის რ–ნის სოფ. ქვედა სიმონეთში. 1949 წ. დაამთავრა თსუ–ს ფილოლოგიის ფაკულტეტი, 1985 წ–დან კი შოთა რუსთაველის სახ. ქართული ლიტერატურის ინსტიტუტის ტექსტოლოგიის განყოფილების ხელმძღვანელია. პირველი წიგნი “ქართული ენისა და სტილის საკითხები” 1956 წ. გამოაქვეყნა. ძირითადი ნაშრომებია: “სალიტერატურო ენა და მწერლობა”(1962), “რა გქვია შენ?” (1966, 1971, 1982), “ლიტერატურული წერილები” (1975), “მადლი დედაენისა” (1982), “ქართული ხელნაწერების კვალდაკვალ” (1983), “მყოფადი ქართველურ ენებში” (1986).
