ალექსი ჭაუჭიძე - გაგახვევ გრძნობის ნაბადში

მთებს დაეფინა ნისლები,
შემოვრჩი კლდეებს გაუვალს..
კვლავ მომეძალა ფიქრები,
ამ ფიქრებს ვერსად წაუვალ...

ნისლებში შენს თავს დავაძებ
არ ვუშინედები სერებსა,
ბინდი მედება თვალებზე
და ვეღარ ვარჩევ ფერებსა..

სიცივე მე ვერ მაშინებს,
ვერ შემაშინებს მდინარეც,
კვლავ ჩამოვყვები ნაპირებს..
და ჩაგიხუტებ მძინარეს...

გაგახვევ გრძნობის ნაბადში,
კოცნით დაგიტკბობ ტუჩებსა
და ავიშენებ საყდარში,
მარადისობის ბუდესა..

09.09.2012