ბექა ხერგიანი - ფიცი

ფიცი ძნელია, რომ არ გატეხო,
რთულია ამ გზის სიციცაბოვე...
სულსაც გიმძიმებს ცოდვის სამტეხვლო,
- გღლის და ვერ იკრებ წინსვლის ძალ-ღონეს...

ძნელია მსგავსი ვალდებულება;
რომელსაც ეშმა საძირკველს უთხრის...
თუ ფიცის დაცვით ხსნა გეგულება,
-ფიცის გატეხვა ჯოჯოხეთს უდრის!

უღელტეხილზე ფიცსაც ნუ შეცვლი,
–ზეცად დადებულს დაბადებამდე.
გოლგოთის გზაზე თუ კი ჯვარს ეცვი,
სიკვდილსაც ამ გზით გადაევადე.