სულში უცებ ჩაიღვარა
სიყვარულის ჰანგები,
უდარდელი ვიყავი და
ვნების მახეს გავები,
ლექსს ბორკილებს თუკი ახსნი,
სევდას გადააწყდები,
ხელში წლები მადნებიან
ბედნიერი წამების.
არაფერით ყველაფერი
მქონდა დასაკარგავი,
ნატვრის ხიდან იმედს
ვწყვეტდი, უბეს გადავმალავდი,
ისევ მიყვარს, გულზე ტრფობის
ალი, ისევ გადამდის,
შიში მიპყრობს, არ დავკარგო,
ის არდასაკარგავი,.
ვისთვის არდროს არაფერი
არ მენანება,
იმ დღეების სიყვარული
კვლავ მენატრება,
ლექსში ფეთქავს აკრძალული
ვნებათავნება,
ის სხვისია, სხვისი წილი
ბედნიერება.
ნანა სელეპანოვა - აკრძალული სიყვარული
