ქარს ავეკიდე, ქარაშოტს,
წვიმამ ცრემლებით დამნამა,
"სადაც არა სჯობს, გაცლა სჯობს!"
დავდივარ ცალი - ცალადა.
მე რაც მსურს, ის რას მიხვდება,
რაც მეცვა, ისიც გამხადა,
"წითელი უფრო მიხდება,"-
ვთქვი და... შავები ჩამაცვა.
სიმართლე, გულით ნათქვამი,
ცხარე სიტყვებით განბანა,
დასრულდა, ესე ამბავი,
ერთად ყოფნა არ დაგვცალდა.
ბიჭავ, შეგირცხვა ულვაში,
სხვა ქალმა, როგორ დაგდაღა,
იქნებ, სულაც არ ვუყვარდი,
იქნებ, მისანმა გაგვთვალა.
ის ახლა, წასვლით ამაყობს,
დამტოვა, სხვაზე გამცვალა,
"სადაც არა სჯობს, გაცლა სჯობს!"
სჯობს ყოფნა ცალი - ცალადა!
ნანა სელეპანოვა - სადაც არა სჯობს, გაცლა სჯობს!
