ცა მისთვის მინდა,
ცხელ გულზე მეწვეს
მთვარე.. ღრუბლები
ხელით ვარწიო,
ტანზე ვარსკვლავნი
ხალებად მესხდნენ,
ღრუბლის ფთილები
მზეს შევაბნიო.
მე ქარს დავეძებ,
როს ქარბორბალა
წამიღებს...გემზე
გავშლი იალქნებს,
დღეს ჩემი წილი
ზღვამ მზე მომპარა,
რაც მისგან დარჩა,
მზერით მივათრევ.
მზე არ მწვავს,
ვიწვი ცის კაბადონზე,
უწყლოდ..ზღვა
ფსკერზე მეპატიჟება,
ხო, ზღვაც ბობოქრობს
ზღვაურის ფონზე,
მე ზღვა არ ვარ
და მეპატიება.
ნანა სელეპანოვა - მზე ჩემი წილი
