ნინო ახალაშვილი - ღმერთო, ნუკი გამაგონებ ობლის ტირილს



ღმერთო, ნუკი გამაგონებ ობლის ტირილს
და ნურც დედას დამანახებ თვალცრემლიანს!
ვერა! გული ვერ გაუძლებს, ამდენ ტკივილს,
გევედრები, ნუ მოგვაკლებ დღეებს მზიანს!...

ნუ წიყვან პაწაწინა ანგელოზებს!
მათი სული ბუმბულივით მსუბუქია...
ღამე იყოს, ქარი ქროდეს და ციოდეს,
მათ გულებში, სიბნელეშიც, სულ შუქია...

დედის გულზე მიკონილი შვილი ყვავის,
სითბო მოდის, ვერაფერმა გააცია...
როგორ გავდა, დედის გული, ლამაზ ყვავილს...
ეს ყვავილი, ხომ ყველაზე ლამაზია!...

ნუ, ნუ გამხდი დედის ცრემლის მოზიარეს,
ნურც დედისთვის ანგელოზებს აატირებ...
დედამიწა მუხლისჩოქით მოვიარე
და ეს ერთი საყვედურიც მაპატიე...

ღმერთო, ნუკი გამაგონებ ობლის ტირილს
და ნურც დედას დამანახებ თვალცრემლიანს...
ვერა, გული ვერ დაიტევს ამდენ ტკივილს,
გევედრები, ნუ მოგვაკლებ დღეებს მზიანს!...

/ნინო ახალაშვილი/



Loading...

ტექსტის სანახავად გაიარეთ რეგისტრაცია.