პირფერობის კარნავალი

პირფერობის კარნავალი,
მოლოდინით, დაიწყო,
სიძულვილმა, სიყვარულის,
მძივით კაბა გაიწყო,
მერე თასი, ღვინის ნაცვლად,
საწამლავით აივსო,
გადამთვრალმა, გაბედა და
კაცთა მოდგმა გაიცნო,
ჯამბაზს სჯერა, რომ მეფეა
და ოცნება დაიწყო,
მერე გვირგვინს წაეტანა,
ოქრო ვერცხლით გაიწყო,
ცას ცრემლები მოეძალა,
გული ორად გაიყო,
როცა ნახა, სათნოება,
ღვარძლმა როგორ დაიპყრო,
ცხოვრების გზა, ვარდის ნაცვლად,
ეკალ-ბარდით გაივსო,
სამართალი რომ დაყრუვდა,
თვალიც მაშინ დაივსო...

/ქეთი ალასანია/

01.08.15.