გემუდარებით ნუ აჩქარდებით



გემუდარებით ნუ აჩქარდებით,
გთხოვთ ნუ გარბიხართ, ცოტა მადროვეთ,
ბევრს ხომ არ ვითხოვ, მხოლოდ შეჩერდით
და შემდგარ წამთან მარტო დამტოვეთ,
ვეღარ გეწევით, ნუთუ არ გესმით,
ჩემს გულის კართან გთხოვთ, რომ ჩამოჯდეთ,
სულში ჩამხედეთ და შეისვენეთ,
სულ ერთი წამით დამიმახსოვრეთ,
მხოლოდ ის მინდა აწმყო შეჩერდეს,
თუნდაც მაისის ვარდებს ათოვდეს,
ბედნიერება მინდა შევიცნო
და სიყვარული აღარ დამშორდეს,
ამ ჩემს ვედრებას დრო ყურს არ უგდებს,
წუთებმა წამებს აღარ ადროვეს,
მოპარულ ღამეს დაათენდა და
ცრემლმორეული, კვლავ, მიმტოვეს...

/ქეთი ალასანია/

19.01.15.




Loading...

ტექსტის სანახავად გაიარეთ რეგისტრაცია.