როცა სიტყვები ძალას კარგავენ



როცა სიტყვები ძალას კარგავენ,
როცა ოცნებას ფრთები ესხმება,
როცა სიზმრებად მოდიხარ ჩემთან,
მაშინ დგას კენტად ჩემი ოცნება.

თვალებს ცრემლები დამისველებს და
ბაგე ღიმილით ჩუმად მეხსნება,
სიცოცხლის სხივი ფერებს აღიდგენს
მაშინაც მათბობს შენზე ოცნება.

მრავალჯერ თქმული სიტყვების ნაცვლად
უსიტყვოდ ყოფნა ამირჩევია,
ცრემლიან თვალებს იმედის სხივით
განათებული რწმენა სჩვევია,

შენსკენ მომავალ დამუხტულ ბილიკს
სიყვარულის გზა აურჩევია,
შენი სიტყვებით გამთბარი სული
მზის სხივის სითბოს გაურევია,

როცა სიტყვებმა ძალა დაკარგეს,
როცა სიცოცხლის ძალა მომეცა,
როდესაც წუხელ სიზმრად მოხვედი
ჩემს ოცნებასაც ფრთები მოესხა.



Loading...

ტექსტის სანახავად გაიარეთ რეგისტრაცია.