მე რას დაგპირდი?



მე რას დაგპირდი? ისეთს არაფერს,
წვეთ სითბოს, ჩემი დაღლილ გულიდან,
ღვთისთვის დანთებულ სანთლის ანარეკლს,
ერთ იას, წარსულ გაზაფხულიდან.
მეტს ვერ ვიხსენებ, ეს ღარიბული,
მიიღე ჩემგან, ერთგული დათქმა,
სიტყვა, გრძნობაზე, მყარად მიბმული,
რომც არ მოგწონდეს, ხმამაღლა არ თქვა.
ბევრის პირობას, ბევრი ფიქრი სდევს,
ცოტა გაბევრდეს, გვიჯობს თანდათან,
დრო დაპირებებს არას დაგიდევს,
ყოველთვის არა, მხოლოდ ხანდახან.
იმ სითბოს წვეთით, ყინული დნება,
ბნელს აკაშკაშებს, იმ სანთლის ალი,
ის ერთი ია, ათასი ხდება,
გვიგაზაფხულებს ახალი ძალით.
დაპირებებით ვერ შეურაცხგყოფ,
ისედაც, მხოლოდ შენით მფეთქავი,
ხან სიხარულო, ხან მძიმე დარდო,
როგორ მიყვარხარ, თუ გრძნობ ნეტავი?!

/კახა დოლიძე/

18.11.14.



Loading...

ტექსტის სანახავად გაიარეთ რეგისტრაცია.