ივლიტა გოლეთიანი - კაკუნი დედამიწას !



კაკუნი დედამიწას !

სალამი ყველას ! თქვენ გამარჯობა !
ისმის ჩემი ხმა ? ვაშა ზეიმებს !
უნდა ვთქვა - ბევრმა რამემ მაჯობა !
ბევრი რამ ჯერაც ჩემზე ხელმწიფებს !

არაფერია ახალი ცის ქვეშ,
მთელი ცხოვრება დაეძებ რამეს,
გულის ფუნჯებით არ ხატავ ვიდრე,
დღე ემსგავსება დეკემბრის ღამეს...

ყველგან სარკმელს და ფანჯარას ეძებ,
ცის სახელურით გინდა გაღება,
ჰოდა არ გყოფნის ერთი მზე მთებზე,
გინდა მზეების წყებად ანთება !

სალამი ყველას! თქვენ გამარჯობა !
მეც აქა ვდგევარ, თავს ვგრძნობ შეხებით,
არ გამომივა ბედთან ვაჭრობა,
ვიარო უნდა ზე დაბედებით !



Loading...


თეგები: ვიარო უნდა ზე დაბედებით

ტექსტის სანახავად გაიარეთ რეგისტრაცია.