გაუცხოება არ მინდა შენი



გაუცხოება არ მინდა შენი,
ხმაშიც ვგრძნობ უკვე, სიგრილის ნაკადს,
ჩემთან კი ისევ გაზაფხულია
ღია გიტოვებ კარს, ბევრჯერ ნაცადს!
სიცოცხლე შენი ჰგავს ჟამთაღრიცხვას...
გაწერილია ყოველი წუთი.
ჩემთან კი ნიავს მოაქვს სინაზე
ამომავალი მზის სხივის ფერი....
შენთვის სიცოცხლე სხვა სიმაღლეა,
წესრიგის დაცვა, სისხლში გაქვს კრედოდ,
წუთში წამს ითვლი და ამ რეჟიმში
ქანცი გელევა და უკვე ვერც გრძნობ!...
შემოდი ჩემთან, სიმწვანის ფერის,
ჩიტების სტვენის, ჩანჩქერის ხმაა...
ტრიალ მინდორში , წვიმიან ნიავს
ნაძვის შრიალის სურნელი დააქვს...
მსურს ჩემს ნაპირზე გადაგიბირო,
თავზე დაგადგა გვირგვინი ნაზი...
შემოგითბილო დაღლილი გული
და სიყვარულის შემისვა თასი!.

ნინი გაჩეჩილაძე



Loading...

ტექსტის სანახავად გაიარეთ რეგისტრაცია.