ახალგაზრდობის სეზონი მორჩა

ახალგაზრდობის სეზონი მორჩა,
კვლავ სიჭაბუკეს რომ უსაფრდები...
სოფელში ახლა სხვა დადის ყოჩად,
მიყვება გუნდი უფრო მარდების!

მღვიმეს ემგვანა შენი მარანი,
სიმღერა ისმის - წარსულის ექოდ...
მეგობართაგან შეგრჩა არავინ,
”მრავალჟამიერ” რომ კვლავ დასჭექოთ.

ჟანგდება და დრო კვლავ გახსნის კლიტეს,
ასწლეულს მერე კვლავ გალაღდები...
შენი მარანი, ქრისტეს სისხლს იტევს
და ხელთ გიჭირავს დრო - გასაღები.

ბექა ხერგიანი