დამადე ხელები გულზე და ყოველი

დამადე ხელები გულზე და გავჩუმდეთ ,
მერე კი უაზრო წარსულის აჩრდილი ,
წამართმევს შენს თავს და ჩემს ნაწილს გაჩუქებ,
რომელსაც ყოველდღე უსიტყვოდ მაჭრიდი,

დამადე ხელები გულზე და ყოველი,
ფეთქვა და სიჩუმე იგრძენი წასვლამდე ,
ის სიტყვა მითხარი ასე რომ მოველი,
გახსოვდეს პირველად "მიყვარხარ " გასწავლე ,

დამადე ხელები გულზე და საფლავთან ,
ნურასდროს დაიწყებ ტირილს და ვაებას !
თუ ვინმემ მოგკითხა მეუღლე სად გყავსო
თამამად უთხარი ენა არ დაგებას ...

დამადე ხელები გულზე და ქოთანში
ნურასდროს დააჭკნობ ნაჩუქარ გვირილებს ,
მერე კი დარჩებით მარტონი ოთახში ,
სხვები კი იტყვიან "უაზროდ ტირის ეს"

დამადე ხელები გულზე და მაკოცე !
ეს ბოლო წამია მინდა რომ გამაგრდე !
შენ როგორც პირველად კვლავ ისევ მაოცებ
გავცივდი ... აიღე ხელი რომ დამადე.