ვცდილობ და ბოლომდე ვერა ვთქვი სათქმელი

ვცდილობ და ბოლომდე ვერა ვთქვი სათქმელი,
ამიტომ ოცნებებს გავუღე სარკმელი...
აქ შევქმენ სამყარო ნაზი და სათუთი,
არავინ არავის შეცდომებს არ უთვლის...
არავინ არ მიშლის მივსდიო იმ შარას,
რომელმაც ცის ფონზე ვარსკვლავნი გაშალა.
დღისით მზე მიმღერის სიცოცხლის სიმღერას,
ღამით კი მეგობრად მთვარე მყავს იმხელა -
სულ იტევს სიხარულს, დარდსა თუ სინანულს,
გამხელილ გრძნობას თუ გაუმხელ სიყვარულს...
თვალებსაც ისა მბანს ქათქათა ნისლებით,
როდესაც სევდისგან ჩუმ - ჩუმად ვიცლები...
ქარის ეტლს მიგზავნის, ვარსკვლავებ ასხმულებს
და ყველა ოცნებას ერთ წამში მისრულებს.

გიული ჩქარეული