წუხელ წვიმდა, მესიზმრე და გამექეცი

წუხელ წვიმდა,
მესიზმრე და გამექეცი,
დაგედევნე, როგორც ქარი ფოთლებს ველად,
დაგეწიე, ჩაგიხუტე მთვარეულმა,
შეგადარე ვარდს, იას და საპოვნელას . . .

წუხელ ღამით,
ჩვენ ფოთლებად ვშრიალებდით,
ვასრულებდით თეთრი ღამის ერთად სოლოს,
მარადიულ სიყვარულზე ოცნებებში,
ვერ ვუგებდით დღეს და ღამეს თავს და ბოლოს . . .

ჩემს წვიმაში,
წუხელ, დილად დამესიზმრე,
განთიადად მომევლინე ჩემდა ბედად,
მე შენ წუხელ ისე ნაზად დამესიზმრე,
რომ სიზმარი შენზე ცხადად დამებედა . . .
წუხელ ღამით . . .
სიყვარულად დამესიზმრე...