მაჩუმებ?- ვჩუმდები

მაჩუმებ?- ვჩუმდები,
მიყვირი?- ვყრუვდები,
მატყუებ?- ვტყუვდები,
მარწმუნებ?- ვრწმუნდები.
გტკივა და ვწუხდები,
გცივა და ვლურჯდები,
გცხელა და ვხურდები,
გისმენ და ვმუნჯდები.
მაშინებ- ვცბუნდები,
რეტს მასხამ-ვბრუვდები,
მაცდუნებ- ვცდუნდები,
გულს მიკლავ- ვყუჩდები.
მღალატობ- ვდუმდები,
ფიქრებში ვდუნდები,
შენს ლოცვას ვუნდები,
ვინთები თუ ვქრები.
მაგ გულში ვბრუნდები
მე შენი უფლებით.
მიყვარხარ ,მიყვარხარ,
მიყვარხარ, თუ ხვდები?!