(უ)შენობა

(უ)შენობას უშენობით ვაშენებ

ხან შავთეტრი, ხან ფერადი კუბებით,

ხან მენგრევა და კვლავ ისევ თავიდან

აშენებას, დიდხანს.დიდხანს ვუნდები.

(უ)შენობას დასასრული არ უჩანს

(უ)შენობა ალბათ ცათამბჯენია,

აშენება აღარ მინდა ხანდახან...

ავაშენებ... სხვა რაღა დამრჩენია.

ყოველი დღე, ყოველი თვე მაქეზებს

ავაშენო (უ)შენობა ბოლომდე

წვიმამ აღარ დამინგრიოს შენობა

და ვაშენებ.. კვლავ ვაშენებ მხოლოდ მე.