ვარდს დღეს სილა გადმოვყარე

ვარდს დღეს სილა გადმოვყარე, სილა გამივარდისფრდა.
ვარდისფერი ქვიშის მტვერი, ზეცად გამიმაისდა.
ზეცაც ცოტაც მოღრუბლული, დამიღამა დაისმა.
წვიმამ ვარდი, სილით მშრალი, ისევ გამიხალისა.
ვარდს დღეს ფესვი დავუთბილე, გული გამიხალისდა.
გულმა სისიხლი მომაჩქეფა, ჩემს ძარღვებში გაისმა.
ჩემს ძარღვებში სიცოცხლეა, სულმა ვნება აიხსნა.
სულმა ვარდი გადაღლილი, ისევ გამიხალისა.
ვარდს დღეს სიტყვა ჩავჩურჩულე, ,,მომენატრე!“ გაისმა,
მონატრება დიდხანს მქონდა, სიყვარულის ვარდისფრად.
სიყვარულით გრილი სიო, მომეამა აისად.
დილის სიომ ჩემი ვარდი, ისევ გამიხალისა.


შალვა ლონდარიძე