იცოდე ცხოვრება ვარდით არ ფენია

იცოდე ცხოვრება ვარდით არ ფენია,
არც ბედი გეგონოს კამათლით თამაში,
სიხარულს იპოვი? აიღე შენია,
შენია ცხოვრება ყველაზე ლამაზი.
ეს შენთვის უმღერენ ჩიტები გაზაფხულს,
ეს შენთვის თენდება, შენთვის განა სხვისთვის
და ერთ დღეს ვინმეს თუ იპოვი დაჩაგრულს,
ხელი გაუწოდე, ღმერთი გადაგიხდის...
ღმერთი გადაგიხდის თუ ვინმეს აჩუქე,
შენი საყვარელი ზღაპრის დასასრული,
თუ ასე იქცევი, იცოდე გაქვს უკვე
წმინდა სანთელი და ცაში ხარ ასული.
იცოდე ყოველ დღეს ცა, რომ განათდება
სიკეთით დაასრულე შენი ჩანაფიქრი,
შენი ოცნებების სული გადარჩება,
გწამდეს სიკეთისთვის ღმერთი გადაგიხდის..