ისევ. . .



ისევ ღამე, ისევ ფიქრები,
წყვდიადში ღამის მკრთალი ნათება,
სურათზე ამბორი, გაცვეთილი სიტყვები,
მენატრები, მიყვარხარ, შენ მე მჭირდები...

ისევ ნაცნობი ცრემლები, ისევ ჭაღარა ოცნება,
გულის მტირალა, სევდიანი რითმები,
თამბაქოს კვამლში გახვეული, გაცრეცილი ვედრება:
ანგელოზო დამიბრუნდი შენ მე მიყვარხარ, შენზე ვგიჟდები...

მუხლმოყრილი ისევ ლოცვა, ისევ სანთელი,
თითქოს ძახილი, წარსულში ჩარჩენილი შენი აჩრდილი,
გაურკვეველი ჩურჩული, შენთვის ბოდვა, ჩემთვის სათქმელი,
სულის დაცემა უიარაღოდ შენგან დაჭრილი...

ისევ ძველი ტკივილი, ისევ მარტოობა ღამენათევი,
დღეს მკაცრი სიმართლე, ხვალ მკვდარი იმედი,
ატირებული თვალები, ცრემლის ნამქერი,
გაციებული ოცნრბა, დიდიც, მცირდიც...

ისევ ღვინო, ისევ მარტოსულების სასმელი,
ცივ ნაცნობ ქუჩებში, უცნობის ხეტიალი,
ეკლესიის კართან, ღრიალით სათქმელი:
ის სიცოცხლეა, სხვისთვის ქალია, ჩემთვის ღმერთი არის...

ისევ გარბის დრო, ისევ წარსულში ვბერდები,
მე შენ მიყვარხარ, ვით წვიმის წვეთს, ვარდის ფურცელი,
შენ ამის გაგება არ გინდა, შენ ჩემს ტკივილს ჯერაც ვერ ხვდები,
შენთვის უცხო ვარ, ჩემთვის კი სალოცავი ხარ, ერთი და უცვლელი....

ისევ მომაკვდავის სიზმარში, ისევ ოცნებით ჩაძინებულს,
შენი ტუჩების მონა, სუკუნეების მკვლელი ვიქნები,
ლამაზ თვალებში ცრემლად გავჩდები,ლოყაზე აგეკიდები ატირებულს,
შენთან შეხების მოლოდინში, მათრობელა ვარდად ვიქცევი...

ისევ ტანჯვა და წამება, ისევ ცხოვრება ეული,
გულით წმინდანი, სულით ცოდვილი,
მთვრალიც და ფხიზელიც, შენით სნეული,
მკვდარიც და ცოცხალიც, შენი მორჩილი,
დღისით და ღამით, შენზე ფიქრს ჩვეული...



Loading...


თეგები: ისევ...

ტექსტის სანახავად გაიარეთ რეგისტრაცია.