NEVER SAY NEVER

თმაგაშლილი ქალი ისე ნაზად კრთოდა
და მთრთოლავი მკერდით მკერდზე მეკვრებოდა,
რომ ეს ღამე იყო მისთვის უცხო ხილი
და უცნობ ზარს რეკდა სულის ქარტეხილი.
არასოდეს!.. მხოლოდ!.. – ჩურჩულებდა ქალი;
NEVER SAY NEVER,* – მაფრთხილებდა ქარი –
ის მეშვიდე ციდან ფრენდა ველ-ველ, მთა-მთა –
და ვკოცნიდი ვნებით მის ვნებიან თვალთა.
არასოდეს გამწვნევ ტკივილს, არასოდეს,
გიღალატებ მხოლოდ მე სიკვდილით ოდეს,
მეყვარები მარად~, – ჩურჩულებდა ქალი;
NEVER SAY NEVER, – მაფრთხილებდა ქარი.

*NEVER SAY NEVER (ინგლ.) – არასოდეს თქვა არასოდეს.