mxolod sheni sitbo minda
მხოლოდ შენი სითბო მინდა, ოღონდ სხვისი არა.
მონატრებით მოვეფერო მაგ თმებს წარამარა.
მწუხარების დროებაა, უთქმელობის სენი,
მოდი, ჩემი სარკმელიდან ბინდი ჩამოხსენი.
მხოლოდ შენი სუნთქვა მინდა, ღაწვისფერი კდემა.
შენს თმებს როგორ დაამშვენებს ცოლის დიადემა .
როგორ დაზრდი მამულისთვის სასახელო ვაჟებს,
სიყვარულის ნიავქარში როგორ გააკაჟებ.
მხოლოდ შენი ჩრდილი მინდა, ლერწამისფერ ტანით.
სახე როგორ დაგეღალა დარდის გადატანით.
შენი მხრები მოწყვეტილი მიწის საზღვარს გასდევს
და ფიქრები მიტოვებულ ფოთლებივით დაგსდევს .
მხოლოდ შენი ნახვა მინდა,უსასრულოდ ცქერა.
ჭაღარამ სულ გადაფარა შენი თმები ქერა.
მოვალ, მაინც და მოგიტან შენს ლურჯთვალა იებს,
როგორც ადრე, კვლავ მოგიძღვნი ფერად ელეგიებს.
მხოლოდ შენი სითბო მინდა, ოღონდ სხვისი არა.
მონატრებით მოვეფერო მაგ თმებს წარამარა.
მწუხარების დროებაა, უთქმელობის სენი,
მოდი, ჩემი სარკმელიდან ბინდი ჩამოხსენი.
მხოლოდ შენი სუნთქვა მინდა, ღაწვისფერი კდემა.
შენს თმებს როგორ დაამშვენებს ცოლის დიადემა .
როგორ დაზრდი მამულისთვის სასახელო ვაჟებს,
სიყვარულის ნიავქარში როგორ გააკაჟებ.
მხოლოდ შენი ჩრდილი მინდა, ლერწამისფერ ტანით.
სახე როგორ დაგეღალა დარდის გადატანით.
შენი მხრები მოწყვეტილი მიწის საზღვარს გასდევს
და ფიქრები მიტოვებულ ფოთლებივით დაგსდევს .
მხოლოდ შენი ნახვა მინდა,უსასრულოდ ცქერა.
ჭაღარამ სულ გადაფარა შენი თმები ქერა.
მოვალ, მაინც და მოგიტან შენს ლურჯთვალა იებს,
როგორც ადრე, კვლავ მოგიძღვნი ფერად ელეგიებს.
