შეუდრეკელი სიამაყით

sheudrekeli siamayit
შეუდრეკელი სიამაყით ვიცავ სიმართლეს
და სულის ომში თავი გავწირე გადასარჩენად.
მე მოგიპოვე, ახლა ვიღაცა შენს თავსაც მართმევს.
დრო აღარა მაქვს აქ დასარჩენად.

და შენ მეცლები ჩემი ხელიდან უმწეო სულით,
რადგან სიკვდილმა მოისურვა შენით თარეში
და ვით მწყურვალი დაიურვებს სულ ყველა წყურვილს.
მე მარტო ვრჩები სულ სხვა მხარეში.

ახლა ვპატრონობ ჩემი სულივით გარიყულ ტივებს.
შენს დაბრუნებას ზურმუხტოვან ზეცას ვავედრებ.
ჩემს უძრავ სხეულს მბორგავი ზღვები აატივტივებს,
ვგლოვობ სანუკვარ ხელებს, ხავერდებს.

მე მეშინია მარტოობის წვიმიან ღამეს
ჩემს სარეცელზე შენი სურნელი ქარმა გაფანტოს.
თვალს ვერ ვუსწორებ იმ სიმართლის ჭირვეულ წამებს,
რომელთაც უდნათ შენი დაკარგვა მყისვე გამანდოს.