მე მოვალ შენთან

me moval shentan leqsebi monatreba dedofali gimili siyvaruli silamaze
მე მოვალ შენთან, თან მოგიტან გულით მოსაწვევს
და დაგპატიჟებ ჩემს ქორწილში, მეფის დედოფლად.
ამ ლამაზ დილას გაღიმებას თუკი მოასწრებ,
გადმოვსახლდები შენს გრძნობებთან, ესეც მეყოფა.

ჩემს სიყვარულზე უშენობა, დანით წერს ლექსებს,
კაწრავს ფრჩხილებით, გულის ფორმის რაღაც ფიგურებს.
ცხელი ცრემლები ჩემს თვალებზე, ყინულებს ლეწენ,
ნუგეშად მაინც შეუგრძნობელ კოცნას ვიგულებ.

იქნებ დამთანხმდე, კაბის ჩაცმას მერეც მოასწრებ,
არ გთხოვ არაფერს, შენგან მცირე მზერაც მეყოფა.
კიდევ ათასჯერ, კიდევ ბევრჯერ გჩუქნი მოსაწვევს,
გეპატიჟები ჩემს ქორწილში, მეფის დედოფლად...