აგურის ქალი

თევზივით წყალი მაქვს პირში,
დინების პირისპირ ვიბრძვი,
შავ ქვიშას მაყრიან ცხვირში
სანაცვლოდ სიყვარულს ვისვრი.

წვალებით ვისწავლე ცურვაც,
ახლა ვერ ჩამრეცხავს წყალი.
ბოღმით გადავსებულ ურნას
შევუნთე სიკეთის ალი.

თუმცა ხომ ფარსია რაც სჩანს,
ცხვირწინ მივიხურე კარი,
ბოდიშით, ვინც ზღურბლთან დარჩა,
თან გუშინ გაფუჭდა ზარიც.

ახლა თეთრ სამსჯავროს ვაგებ,
უნდა დავაბრუნო ვალი.
ეგონათ ვიყავი მონა
და შერჩათ "აგურის"ქალი!!!