შენთან მოსვლამდე ვიარე ბევრი

შენთან მოსვლამდე ვიარე ბევრი
shentan mosvlamde viare bevri
ჩემს შემოდგომას ვუცვალე ფერი
ლიმონისფერი ფოთლების მიღმა...
ჩამოვიშორე სახიდან ცრემლი
და ავიკარი ღიმილი ნიღბად!
გადავაკეთე ბილიკი გზად და
ფეხით გავთელე სუროს ხალიჩა...
ჩემი სამყარო ნაწერი დარდად
შენმა თვალებმა წამში დახლიჩა.
აალიონდა სული ღამეში
შემჭკნარი გული ვეღარ ჩამიჩობს...
ნება მომეცი წყლიან თვალებში
ჩემმა ღიმილმა თავი დაიხრჩოს!
ეხლა რაღა დროს, უნდა გავუძლო
ეხლა უკან სვლით ვეღარ გავივლი,
ჩემი ალერსით უნდა დაგხუნძლო
გაგხადო ჩემი კოცნით დაღლილი.
ჩემს შემოდგომას ვუცვალე ფერი
ლიმონისფერი ფოთლების მსგავსად...
შენთან მოსვლამდე ვიარე ბევრი
და აღარ მინდა აღარსად წასვლა!