შენს სულს ვუყურებ

შენს სულს ვუყურებ

(shens suls vuyureb)

- დალაქულ სარკეს
და შეუმოსავ ჩემს სხეულს ვხედავ,
შენ მომენატრე და ჭიქა საკე,
ვით თვითმკვლელობა იისფერ დღეთა,
შენს სულს ვუყურებ - გაბზარულ მინას,
სადღაც სიცივე იღვრება ლურჯად,
რწმენამ საწოლში დაიდო ბინა
და იქ დასახლდა მყარად და ურჩად.
აღარ ვლოცულობ წმინდა ხატებზე,
მე დამავიწყდა მოტივი შორი,
შენს სულზე, როგორც უცხო სარკეზე,
პომადით ვაწერ - "მემენტო მორ"
შენი სხეული იქცა საკეტად,
შენს სიზმრებს ჩემგან ბოქლომით იცავს,
შენ მომენატრე, ჭიქა საკე და
დანიშნულების ადგილი - მიწა...