მუხლს არ მოიდრეკს მეფე მისდღემში..



მუხლს არ მოიდრეკს მეფე მისდღემში..

(muxls ar moidreks mefe misdgemshi)


რაღაც მომბეზრდა, რაღაც გაჭირდა
მე ძლიერი ვარ მაგრამ არ მინდა,
მომწყინდა სრული ბანალურობა
და რითმულობა ლექსში დამძიმდა.

თამაში მინდა ქალის გრძნობებთან
როგორც მჩვეოდა ისე ტირება,
მინდა ის განცდა კვლავ დამიბრუნდეს
რაც მე მაკლია ახლაც მჭირდება.

ძველი რითმული სტილი დავკარგე
ვნებებით სავსე რომ ირეოდა,
ახ ნეტავ ის დრო დაბრუნდებოდეს
მეფეს ნახავდით ვინ იქნებოდა.

და მე არ მინდა ვიყო პოეტი
არც თქვენებურად მინდა ვიმსჯელო,
მე ხომ ძალა მაქვს სულში მეფური
მე ამით გული უნდა ვიჯერო.

და რაც დრო გადის უფრო ვრწმუნდები
არაფრად ვარგა ჩემი სიტყვები,
ნამოქმედარში აზრი როდია
დაბოლილ რითმას ვაწყობ გრძნობებით.

რაზე დავწერო როცა არ ვიცი,
როცა შორსა ხარ უფრო მინდები
და ეს უაზრო რითმად ქცეული
შემომაწვება ისევ ფიქრები.

ახლა კი ვიცი შუაღამეა
ღამეს გავანდე მე სინანული,
ნუთუ არვინ ხართ რომ გაიღვიძოთ
და მე მაჩუქოთ კვლავ სიყვარული.

მე ყოველ ღამე ვჩუქნი სივარულს
რაღაც ნაპირი თქვენში მაბრკოლებს
და ყოველ ღამით დავწერ ისეთ ლექსს
რომ გავახსენებ მთვარეს ჩემს გრძნობებს.

რაღაც ვიცი რომ მე კვლავ მაყოვნებს
ჩემს სიტყვას უნდა ლექსი ამბობდეს,
ეს გრძნობა ჩვენში მისთვის არსებობს
რომ სიყვარული ყველას გვათბობდეს.

და მე არ მინდა სხვა ნეტარებით
გული ვიჯერო ვიარო სევდით,
მე დახმარება დღეს დამჭირდება
მაგრამ მარტო ვარ არვინ მყავს გვერდით.

ისევ მარტო და ისევ სიჩუმე
ისევ სიავე ამ ჩემს ლექსებში,
ისე არასდროს არ დავეცემი
მუხლს არ მოიდრეკს მეფე მისდღემში.



Loading...

ტექსტის სანახავად გაიარეთ რეგისტრაცია.