მარტთან ხომ ყველა ქალი მარცხდება

მარტთან ხომ ყველა ქალი მარცხდება..

(marttan xom yvela qali marcxdeba)

მე გაზაფხული მიყვარს
რადგან აპრილში შენ დაიბადე,
მე გაზაფხულის ფერები მხიბლავს
და შენს თვალებში მზე დავინახე.

შენი ტუჩები თაფლივით ტკბილი
ვარდისფერ ფურცლებს ოდნავ წააგავს,
მე არ მინდა რომ ჩემთვის იტირო
რადგან ცრემლები გულს დამინამავს.

არ შემიძლია შენი ხელები
და შენი სუნთქვა სიტყვით აღვწერო,
არ შეიძლება ისევ მინდოდე
და სიყვარული შენი გავბედო.

გაზაფხული კი წვიმით გრილდება
სიცივე მარტში ბრძოლით მარცხდება
და გაყინული ჩემი გრძნობებიც
ვინმეს სიყვარულს კვლავ ჩაბარდება.

არ გპირდები რომ მომენატრები
რადგან მარტივით მე ორგული ვარ,
მე მარტში გავჩნდი შენ კი აპრილში
სხვა ქალიც მინდა და შენც მინდიხარ.

არ დაგივიწყებ რადგან მჭირდები
შენც მჭირდები და ის სხვაც მჭირდება,
არ მინდა ისევ რომ გამიფრინდე
და მხოლოდ დარჩე როგორც ფიქრებად.

მე მოგიყვები ათასგვარ ზღაპრებს
როცა სიმართლეს კვლავ დაგიმალავ,
ვიცი აღგაგზნებს ასეთი განცდა
როდესაც იცი მართლა ვინა ვარ.

ვეღარ მშორდები და ჩემთვის იბრძვი
მარტთან კი ყველა ქალი მარცხდება,
ნუ დანებდები დაე გიყვარდე
კვლავ მომეფერე იქნებ რა ხდება.

იქნებ მარტიც კი თვითონ მარცხდება
იქნებ გართობას ბრიყვულს ვამთავრებ,
იქნება მივხვდე და შემიყვარდე
იმ გრძნობით რასაც გულით ატარებ.

როცა მივხვდები რომ მთავარი ხარ
როცა მივხვდები მართლა მჭირდები,
მე მოვალ მაგრად ჩაგეხუტები
და სამუდამოდ ჩემთან დარჩები