პოეტი ქალი



პოეტი ქალი

(poeti qali)


ქალის ცრემლები თუ გაგიგიათ
რომ იღვრებიან ნაზად სახეზე,
ისეთი ცრემლიც თუ გაგიგიათ
და როგორ დიან წმინდა ხატებზე.

მე შემიცნია პოეტი ქალი
რომელმაც ლექსში გულით იტირა
და დამესახა მისი ხატება
ეს ქალი დღესაც ჩემი ფიქრია.

ვარდის ფურცლებით შემოფენილი
და სიგარეტის კვამლისგან ლურჯი
მუქი ფერებით ირევა ყველა
გრძნობით იჭრება ჩემში ფარული.

პოეტი ქალი სევდაშერეულ
ვნებებით სავსე სტრიქონებს აღწერს,
კალმით ნახატი გრძელი თითებით
დახატავს ზღვას და სტროფს დაამშვენებს.

მომენატრება დღეს მე ის ქალი
პოეტურ განცდებს რომ ეძლეოდა,
გულს გაალღვობდნენ მისი სიტყვები
და სიყვარულით მზეზე დნებოდა.

ლამაზ თვალებში მინდა ჩავხედო
მინდა რომ ვუთხრა მშვენიერია,
მე შემიყვარდა მისი არსება
ეს ჩემი გულიც ბედნიერია.

და მე პოეტ ქალს ვეთაყვანები
სურვილებს მიშლის სველი ქუჩები
აღმაგზნებს მისი ნაზი მშვიდი ხმა
მისი მზერა და ტკბილი ტუჩები.

–წვიმა ასველებს ჩვენს მოგონებებს
და ძველ სიყვარულს თავს არ ანებებს,
კვლავაც მეხება შენი სველი თმა
წვიმის წვეთები ამას მახსენებს.

მე სულ ასე ვარ როცა გარეთ წვიმს
მე შენი სევდა დამემართება,
ნაღვლიან ჩემს გულს ისევ შენ იპყრობ
რაც ადრე გვქონდა მომენატრება.

შენგან ჩემამდე ახლა შორია
ქარმა წაიღო შენი სურნელი,
ის გრძნობა ალბათ აღარ გაქრება
და ჩემთვის გახდი შენ დამღუპველი.

არ მეკარება მე მოსვენება
შენზე ფიქრები ყოველდღე მიპყრობს
და შენი გულის ალბათ ძახილი
ისევ გადარდებს და ჩემსკენ გიხმობს.

მე კი მოგელი და კვლავაც ვიცდი
რომ სიყვარული ჩემი გიმხილო,
ჩვენ პოეტური განცდით შერწყმულნი
სითბოს გაჩუქებ რომ არ იტირო.

ვიცი რომ ალბათ ხვალ ჩემთან მოხვალ
წვიმის წვეთები გზად დაგასველებს,
ცხელი ტუჩებით ნაზად მაკოცებ
და ჩემთან ერთად კვლავ გააბოლებ



Loading...

ტექსტის სანახავად გაიარეთ რეგისტრაცია.