დღეს დილით
(dges dilit)
დღეს დილით ციდან მონატრების ცრემლები წვიმდა
და ღრუბლებიდან მოისმოდა მრავალთა ოხვრა,
ვისაც ულმობლად დააკისრა ბნელმა ეპოქამ
მშრალი ღიმილი, გულდაწყვეტა და მხრებში მოხრა.
თუმც, არცერთხელ არ ნებდებიან ცხოვრების მათრახს
და ღამით ისევ დაკოცნიან ცრემლით სურათებს,
არად აგდებენ დაუნდობელ სიცხეს და ზამთარს,
არ კლავენ იმედს, მიზნისაკენ გზას რომ უნათებს.
გულდაწყვეტილნი, გახიზნულნი უცხო მხარეში,
ყველა ქართველი დამილოცეთ წმინდა ხატებო!
დადგება დღე და მონატრებულ საქართველოში
მხრებგამართულნი დაბრუნდებით ემიგრანტებო!
(dges dilit)
დღეს დილით ციდან მონატრების ცრემლები წვიმდა
და ღრუბლებიდან მოისმოდა მრავალთა ოხვრა,
ვისაც ულმობლად დააკისრა ბნელმა ეპოქამ
მშრალი ღიმილი, გულდაწყვეტა და მხრებში მოხრა.
თუმც, არცერთხელ არ ნებდებიან ცხოვრების მათრახს
და ღამით ისევ დაკოცნიან ცრემლით სურათებს,
არად აგდებენ დაუნდობელ სიცხეს და ზამთარს,
არ კლავენ იმედს, მიზნისაკენ გზას რომ უნათებს.
გულდაწყვეტილნი, გახიზნულნი უცხო მხარეში,
ყველა ქართველი დამილოცეთ წმინდა ხატებო!
დადგება დღე და მონატრებულ საქართველოში
მხრებგამართულნი დაბრუნდებით ემიგრანტებო!
