გეი პინგვინები ერთმანეთს დაშორდნენ



ტორონტოს ზოოპარკის ხელმძღვანელებმა ერთმანეთს სათვალიანი მამალი პინგვინები დააშორეს, რომლებიც უკვე ერთი წელია ერთად ცხოვრობენ. გადაწყვეტილება ჰომოსექსუალი პინგვინების ბადისა და პედროს დაშორების თაობაზე იმის გამო იქნა მიღებული, რომ პინგვინებს გამრავლება სჭირდებათ.

ამ პინგვინების ისტორიამ დიდი აჟიოტაჟი გამოიწვია კანადაში, ასევე აშშ-ში, დიდ ბრიტანეთსა და კიდევ რამდენიმე ქვეყანაში. თავიანთ სტატიებში ადგილობრივი ჟურნალისტები განსაკუთრებულად ხაზს უსვამდნენ პინგვინების სქესს და მათ ჰომოსექსუალისტებად მოიხსენიებდნენ.

როდესაც ცნობილი გახდა ზოოპარკის ხელმძღვანელების გადაწყვეტილების თაობაზე, რომ ცხოველები ერთმანეთისთვის დაეშორებინათ, დაწესებულების ადმინისტრაციაში რამდენიმე სატელეფონო ზარი გაისმა, რომლებიც ამ იდეის მოწინააღმდეგეებს ეკუთვნოდათ. რა თქმა უნდა, მათი უმრავლესობა არარსებული "გეი-ცხოველების კანადისსაზოგადოების" წარმომადგენლები იყვნენ.

ზოოპარკის წარმომადგენლის ტომ მეისონის თქმით, ბადი და პედრო მართლაც ერთმანეთს ძალიან შეეჩვივნენ. ისინი ერთ ბუდეში ცხოვრობენ, ერთად დაცურავენ და ერთად სძინავთ. ამასთან სპეციალისტმა ხაზგასმით აღნიშნა, რომ ასეთი თბილი ურთიერთდამოკიდებულება ფრინველებს შორის განპირობებულია მათი სოციალური კავშირების მოთხოვნილებით და არა სექსუალური ორიენტაციით.

უახლოეს დროში ბადის და პედროს დედალ პინგვინებთან ცხოვრება მოუწევთ. 21 წლის ბადის უკვე აქვს "ოჯახური ცხოვრების" გამოცდილება. ადრე ის დედალ პინგვინთან ერთად ცხოვრობდა, რომელთანაც რამდენიმე ბარტყი შეეძინა. ხოლო 10 წლის პედროს აქამდე არ რგებია მამობის ბედნიერება.



Loading...

ტექსტის სანახავად გაიარეთ რეგისტრაცია.