შაუმიანი (დაბა)

შაუმიანი (1932 წლამდე შულავერი) — დაბა მარნეულის მუნიციპალიტეტში. მდებარეობს რკინიგზის სადგურ შულავერიდან 7 კილომეტრის დაშორებით (თბილისი-გიუმრის ხაზი). ვრცელდება მდინარე შულავრის (ხრამის მარჯვენა შენაკადი) ნაპირებზე. სახელი ეწოდა სტეფანე შაუმიანის პატივსაცემად. დაბის სტატუსი მიიღო 1932 წელს. 2002 წლის მონაცემებით დაბა შაუმიანის მოსახლეობა შეადგენს 3630 ადამიანს.