ქართველთა გვარებში გამოიყოფა სხვადასხვა საგნებისგან ნაწარმოები გვარ-სახელები. ხმიადაშვილის გვარს საფუძვლად უდევს სიტყვა ხმიადი. „ხმიადი იგივეა, რაც უსაფუვროდ გამომცხვარი პური“.
ამ სიტყვის წაბაძვით გაჩენილა როგორც მეტსახელი ხმიადა, ისე საკუთარი სახელი – ხმიადა.
ალექსანდრე ღლონტი წიგნში „ქართველური საკუთარი სახელები“ წერს: „საკუთარი სახელი ხმიადა, გვარებში ხმიადაძე, ხმიადაშვილი“.
ადრიდანვე გვარი მოიხსენიება გორის რაიონში, კერძოდ, ტირძნისში.
1995 წელს ვაუჩერი აიღო 997 ხმიადაშვილმა. გორში 588 ხმიადაშვილი ცხოვრობს; თბილისში – 249, თელავში – 92.
