ეს გვარი ქვემო ქართლის მებატონე ყოთმაზაშვილთა განაყოფილ შტო-გვარია.
საკუთარი სახელი ალთუნა მონღოლურ-თურქული წარმოშობისაა და ოქროს ნიშნავს.
თეიმურაზ ალთუნაშვილი მოიხსენიება 1741 წელს ტერ-ფილიპეს მიერ თავის ბიძაშვილების – იესეს, ტარიელისა და დანიელის სახელზე გაცემული მიწის ნასყიდობის წიგნში.
1721 წლის აღწერით, ქვემო ქართლში ალთუნაშვილები მებატონე-მემამულეები იყვნენ.
საქართველოში 683 ალთუნაშვილი ცხოვრობს: თბილისში – 426, თეთრი წყაროში – 83, გარდაბანში – 58. არიან სხვაგანაც.
