ლაშა კარანაძე - megan - მაგდას



ზაფხულის მე- 12 დღეს დაიბადე. ოთხშაბათს და ზაფხულმაც თავისი ბუნებით დაგაჯილდოვა. მაშინ ვინ იფიქრებდა, რომ ამ პატარა გოგონას, ახლა, რომ გაიზარდა და უფრო გამშვენდა ივნისის ფერებით მეც გავიცნობდი. ლამაზ მწვანე თვალებში ჩაგხედავდი და გულში ჩაგიკრავდი.
ზაფხულის მე-12 დღეს დაიბადე. მაგ ჭრელ თვალებში შემოვიდა მწვანე ბუნება და იქ დაივანა, დღემდე, რომ ციმციმებს სიყვარულით. მზე იყო შენი მფარველი მისს სხივებს კი შენი თმები უყვარდა. ლამაზად დატალღებული, რომაა ახლა და ეგ ლამაზი პატარა აპრეხილი ცხვირი, ხომ საერთოდ შენი სილამაზის ნიშია.
ზაფხულის თორმეტ რიცხვში დაიბადე, თიბათვის თორმეტში (მზე ხარ თიბათვისა) იშვიათად შევხვედრილვარ შენსავით მშვენერს და ამ იშვიათშიც პირველი ხარ ჩემო ძვირფასო - მაგდა
მე შენ, მშვენიერს გხედავ - სილამაზეს შენს თვალებში და იქედან რაღაც გზით გულსაც ვუყურებ, ჩემო მშვენიერო. რამდენჯერმე მითხარი ძალით გამაცნეს შენი თავიო და ამას რომ ამბობ ისე საყვარლად იღიმები, არ მინდა თვალი მოგაშორო.
მე შენ, მშვენიერს გხედავ - მაგ ლამაზ თმებზე გეფერები, თითებზე ვიხვევ და მიხარია, რომ შენ ასეთი ხარ.
როგორ მიყვარს როცა იღიმი, ისიც მიყვარს, რომ მეუბნები „ახლა არ გამაბრაზოვო“ იმ დღეს ერთად, რომ ვიყავი კინოში, ფილმის დროს რამდენჯერმე გამოგხედე, ისე გაიცინე, მე კი შენს სიცილზე მეცინებოდა, საყვარლად, რომ კისკისებდი და მიხაროდა რომ მხიარულობდი. მიხაროდა, რომ იმ დღეს ჩემთან ერთდ იყავი, ისიც მიხაროდა რომ ასეთ ლამაზ გოგოსთან ვიყავი მთელს დარბაზში.
ძვირფასო მაგდა, ზაფხულის მეთორმეტე დღეს დაიბადე, თიბათვის მზესთნ ერთად და მას შემდეგ არ მოგშორებია მზის შუქი თვალებიდან - მე შენ, მშვენიერს გხედავ.
მიყვარს როდესაც შენს მწვანე თვალებში დიდხანს ვიყურები, ამინდთან ან ხასიათთან ერთად ფერი, რომ ეცვლება.
მიყვარს როდესაც შენს სურათებს ვათვალიერებ, ყველგან ისეთი კარგიხარ - მე შენ, მშვენიერს გხედავ.
მიყვარს როდესაც მოფერებით გეძახი რაღაც სახელებს, მინდა ამაშიც ჩემი სიყვარული ჩავდო და ის დიდი პატივისცემა, რომ ვერ გამოვთქვავ.
შენ ძვირფასი ხარ ჩემთვის.
ზაფხულის მე-12 დღეს დაიბადე, და მასავით სანატრელი გახდი. თბილი გულით და თვალებით.
მაგდა - მე შენ მშვენიერს გხედავ, ულამაზეს თბილსა და საოცარს, ზღაპრის არსებასავით. ვარდის ფურცლებივით ბაგეებზე გიყურებ, უნაზესი, რომაა მისი ჩურჩული, ხოლო მის სურნელებას შენს სიახლოვეს ვგრძნობ. ერთელ შემთხვევით შემხვდი, ლოყაზე მაკოცე და ბაგეებისსინოტივე მთელი დღე გამყვა, მაშინ უფრო მომესურვილე.
მომესურვილე და გაგისურვილე, გაგისურვილე და ჩაგისურვილე.
ჩაგისურვილე და ამიხდები???

ამიხდი ისე, რომ სულ ასეთი მშვენიერი იყავი, მუდამ ასეთი ძვირფასი, რომ სანატრელი იყოს შენთან ყოფნის თითოეული წამი.
მე შენი თვალები გავისურვილე...
მაგდა მე შენ, მშვენიერს გხედავ - შეგადარებდი ზაფხულის სუნთქვას, ივნისის წვიმას, და მაინც მეგთოვ მითხარი, ასეთი ვინ ხარ?
ზაფხულის სილამაზეს შეგადარებდი, უფრო დახვეწილი ვიდრე ვარსკვლავები, და მე ამას გეტყვი ჩემო მშვენიერო, რომ შენ გახდი ძალზედ სანატრელი.
შენ დაიბადე ზაფხულის თორმეტს, ცამ კი დაგბადა ისეთი ვგონებ, მასზე ღრმა არის შენი თვალები. მე ამას ვფიქრობ, შენი ხსენება სულ გულში მქონდეს.
მაგდა მე შენ, მშვენიერს გხედავ... იმ ყვავილებივით სურნელების მსუნთქველს შენ რომ გიყვარს. მაგდა მე შენ მშვენიერს გხედავ.
ზაფხულის მე-12 დღეს დაიბადე ივნისის თორმეტში, ოთხშაბათ დღეს.

მაგდა! მე შენ მშვენიერს გხედავ. ზაფხულის მეთორმეტე დღეს დაბადებულს, გულში გიკრავ და გსუნთქავ.

ლაშა კარანაძე

12 მარტი. 2016



Loading...


თეგები: ლამაზ სიყვარული მშვცენიერი თმები თვალები

ტექსტის სანახავად გაიარეთ რეგისტრაცია.