უჩვეულოდ ჩვეული სიყვარული

უჩვეულოდ ჩვეული სიყვარული

ერთ ჩვეულებრივ დღეს ღმერთმა რჩევა მომცა:
-თუ ვინმე მოვა შენთან,არაჩვეულებრივ სიტყვებს გეტყვის და მსგავსადვე მოგექცევა,შენ უპასუხე:
-ესეც გაივლის!
მე ღმერთს შევეკითხე:
-მიყვარდეს თუ არა სიყვარული?

ერთ ჩვეულებრივ დღეს სიყვარული მოვიდა ჩემთან და მითხრა:
-სუნთქვავ, სუნთქვა ვიქნები შენი!
ვუთხარი:
-ესეც გაივლის !
მან განაგრძო:
-მიყვარხარ და სიყვარული ვიქნები შენი !
მივუგე:
-ესეც გაივლის!
სიყვარული არაჩვეულებრივად მომექცა, დამიჩოქა და ცრემლებით დამასველა.ჩემი ხელი გულზე დაიდო და მთხოვა:
-ეს გული არ მატკინო და არასოდეს გატკენ გულს!
მე ვკითხე მას:
-მიყვარდეს თუ არა სიყვარული?

ერთ ჩვეულებრივ დღეს დრო იყო გასული, როლები შეცვლილი და სიყვარული ჩვეულებრივი. ჩემმა სუნთქვამ მთხოვა ყველაფერი მიმეცა მისთვის, რისი მიცემაც შემეძლო და ასეც მოვიქეცი. შევეკითხე:
-მიყვარდეს თუ არა სიყვარული?
მიპასუხა:
-სუნთქვა ხარ ჩემი!
უცებ არაჩვეულებრივად მომექცა. მიწაზე დამაგდო და მუცელსა და სახეში წიხლები მირტყა. სისხლსა და მტვერში ამომსვარა და ასე დამტოვა.
მეგობრები მოვიდნენ ჩემთან და გამამხნევეს
-ესეც გაივლის!
მე კი კითხვა დავუსვი მათ:
-მიყვარდეს თუ არა სიყვარული?

ჩვეულებრივ გავიდა დრო. ჩემი სუნთქვა არაჩვეულებრივად დაბრუნდა. მარტო არ იყო, მას სხვა სუნთქვა ახლდა თან. ჩემმა სიყვარულმა ჩვეულებრივზე ძლიერ ამომარტყა მუცელში წიხლი და დავეცი. გადმომაბრუნა და სახეში შემაფურთხა. შემდეგ ორივე ხელით წამომაყენა და თვალებში ჩამხედა, არ ვტიროდი. სისხლით, მტვერითა და ფურთხით ვიყავი დასვრილი. მკითხა:
-ვინ გცემა ასე?
ვუპასუხე:
-შენ თავად მცემე!
საშინლად დამცინა და მიყვირა:
-უმადურო, მე მაბრალებ? ცილს მწამებ!
მან ისევ მიწაზე დამაგდო და თხოვნა შემისრულა, წავიდა. მმინდოდა მეკითხა, თუ რამდენი შეიძლება იყოს სიყვარული?....

ჩემი ცრემლები ღმერთს მიწვდა. ღმერთს აღსოვდა რჩევა რომ მომცა. ახსოვდა, კითხვა რომ დავუსვი. აღსოვდა ყველაფერი , შემდეგ რაც მოხდა და მითხრა:
-პატარა ქალო, ესეც გაივლის!
მე ჩვეულებრივ დავუსვი კითხვა:
-მიყვარდეს თუ არა სიყვარული?...