ჯობს ყველა აქო, თორე ძრახვა მტრობის წყაროა,
მაგრამ ძრახვაც ხომ „ატიკური თაფლია „ მარად.
ქალი – დარდია, მაგრამ ძვირფასი აქვს ცხოვრებაში ორი საათი
ერთია მისი ქორწილის დღე და მეორე – მისი სიკვდილის ღამე.
კაცი ერთი სადილითაც გადის დღეში ადვილად,
მაგრამ ძუნწის სუფრის შემდეგ ახლად ვჯდებით სადილადო.
დუმილის ნიჭი – დიდი სიბრძნე გახლავთ მოკვდავთა
და პითაგორეც ამ სიტყვებზე მომცემდა დასტურს.
თვით მჭერმეტყველი, სხვას ურჩევდა გონივრულ დუმილს
რაც საიმედო წამალია ვნებათა ღელვის.
მძაგს ყველა ვინც კი ორპირია თავის ბუნებით
სიტყვით კეთილი, საქმით არის ბოროტმოქმედი.
პალადი - Paladi
