ვისაც უღელი ხარიც არ ჰყავდა, ნახირი ჰყავს; ვისაც ბოსტანიც არა ჰქონდა, დღეს ბეღლები სავსე აქვს, დახეთ, ხელოვანი აღარ მუშაობს. ცვალებადია წუთისოფელი, ასეა ეს.
ნუ განსჯი პატიოსან ქალს. ნუ აედევნები ქალს, რომელსაც შენი გული არ გაუტაცნია.
პასუხს ნუ გასცემ მძვინვარე დიდკაცს, გზა აუქციე, კეთილი სიტყვით დაუცხრე გული, თუ ვინმეს უწყრება და დაიმშვიდე შენც გული. სადავო სიტყვას ხშირად რისხვა მოჰყვება, ჯოხი მოგხვდება, დამარცხდები. გაუმასპინძლდი თუ გესტუმროს თხოვნა შეუსრულე და უთხარი დიდება შენ.
თუ ოჯახს მოეკიდო, სულ კეთილად იყავი, ქალს ასიამოვნე, ლამაზი სამოსელი აჩუქე და ტკბილეული. მისი წამალია სუნამო და ტკბილი სიტყვა. მაშინ ის იქნება ნოყიერი ყანა თავისი ბატონისათვის.
გოდება - Godeba
