„მარხვა ცოდვების სინანულია, როცა საჭმელი არ გახსოვს“



მარხვა ცოდვების სინანულია, როცა საჭმელი არ გახსოვს
/გაბრიელ ბერი/


მარხვა-დღეები, როდესაც აკრძალულია არა მარტო სახსნილოს (ხორცის, ყველის, რძის, კვერცხის) ჭამა, არამედ საზოგადოდ მომეტებული ჭამა-სმა. მარხვა არის ერთდღიანი და მრავალდღიანი.

ერთდღიანი მარხვებია: ოთხშაბათი – მოსახსენებლად იესო ქრისტეს გაცემისა იუდა ისკარიოტელისაგან და პარასკევი – მოსახსენებლად იესო ქრისტეს ჯვარცმისა და სიკვდილისა.

მრავალდღიანი მარხვები:


ქრისტეშობის მარხვა – ნიშნად კაცობრიობის უსჯულო წყვდიადში ყოფნისა ქრისტეს განკაცებამდე.

დიდი მარხვა (აღდგომის) – მისაბაძად იესო ქრისტეს ყოფნისა უდაბნოში.

პეტრე-პავლობის მარხვა – მისაბაძად წმიდა მოციქულთა თავთა პეტრესი და პავლესი.

მარიამობის მარხვა – მოსახსენებლად ღვთისმშობელ მარიამის ნეტარი მიცვალებისა.

დიდმარხვას (აღდგომის მარხვა) წინ უძღვის:

პირველი – უძღები შვილის კვირა,

მეორე – ყველიერის კვირა – უშუალოდ მარხვის დაწყებამდე (ხსნილია რძის ნაწარმითა და კვერცხით).
დიდი მარხვა, აღდგომის წინ 49 დღით ადრე იწყება და ბრწყინვალე აღდგომის დღესასწაულამდე გრძელდება. დიდი მარხვის დროს ორი უდიდესი დღესასწაულია ხარება და ბზობა.

ხარება – მთავარანგელოზ გაბრიელის მიერ ქალწულ მარიამისადმი უწყება იმისა, რომ მისგან კაცობრიობას მოევლინებოდა უფალი ჩვენი იესო ქრისტე.

ბზობა – იესო ქრისტეს დიდებით შესვლა იერუსალიმში.

წელს, აღდგომის დიდმარხვა 14 მარტს იწყება.



Loading...

ტექსტის სანახავად გაიარეთ რეგისტრაცია.